明天0545我就要起身,參加國慶日長跑8Km超小型馬拉松,呢個賽事係我暫別跑界之後第一個賽事,今晚我要養精蓄銳明天蓄勢待發
目標:為08揸打馬拉松作準備
唔知跑幾多分lei?
徐左馬拉松外,我仲有另一目標,就係喺呢個年度嘅PFA(4800M)跑取得19mins的成績.我以往的最佳成績就是在八鄉訓練的成績.
所以要達到呢個成績就一定要努力操練,昨日就是華哥訓練我的第一課,黎緊我亦會努力操練
今日與人談起我的操練,有人問我感覺如何,辛苦嗎?而有人聽到我努力地操練亦手執馬拉松跑手這月刊,有人就問我la,yi....細倫咁鍾意跑步呀,咁你PFA又跑幾多分呀?(想睇下我有幾多料)oh....20分...(不屑的子)....又講話嗰d玩健身嘅人都低能,食都要計住,痴線.....
聽完呢番話之後,我覺得佢好質疑我嘅能力,覺得我做唔到,又覺得我咁辛苦係咪on 9,佢又妒忌我有咁多人幫我操練.
隔左陣,有人正我的跑姿,但由於我不能掌握這動作,那人又在我身邊說3道4,曄細倫你咁...咁..咁又咁....咁渣架...我一邊努力自己練習又聽旁人指点,那不知自己煩厭的人一邊笑着我,我當然睬佢on....之後又話我冇運動細胞,淨係喺度講埋d廢話.....都費能事理呢,曬气!
我唔係好明白点解有d人有咁多野講,真係好鍾X意講廢話.有人做人同生活都對自己有目標有要求,每個人都不一樣,但你自己冇目標就唔好妒忌別人,笑別人,這是膚淺的行為.
你話我冇運動細胞ok! 兄弟你跑咩時間呀?跑過未呀你?馬拉松,半馬你都唔知係咩la?收la你,同我講跑步!我冇運动細胞,大家又唔係好見得你有運動細胞呀!淨係喺街場恰細路,有種出去打league呀?運動細胞?
不過多謝你激起我鬥志,你敢挑釁我,我會奉陪到底,來吧,繼續笑吧,運动細胞...我一定會達到我的目標!不理旁人為自己目標而戰!
3/9号, 我地約埋B隊長跑隊成員(排名不分先後:神探坤,阿耀,大隻成,阿ming,阿財仲有我),去城門水塘為08渣打馬拉松嘅練習展開序幕.
長沙灣救護組長跑精英(左起,大隻成,神探,我,阿耀,仲有揸機嘅阿ming)
當天我同阿耀,大隻成先上神探home,之後再由葵興經喊城門谷,再由和宜合道跑上城門引水道.淨係呢一段去程就巳經放盡我地嘅電力,足以令我地謝皮,因為有5成嘅路段都係長命斜.而神探可能因為佔盡地主之利,跑了不久,未到和宜合道,巳被他放了,成隻羚羊咁.跑斜路好似跑平路,我嘗試盡量跟貼他,但他的腳步實在比我大,還比我有力.雖然我年青力壯又英俊
,但他實在太强了.真的俾佢放左整整有半條街(100m)
終於上到引水道會合阿ming(有d腳軟),但係慢jog左一輪平路後,開始又上力,整個路程我就跟住神探跑,唔係係佢帶住我跑!
跑到終点接近同佢勁衝100M,之後重衝上長命斜wa.......真係謝皮la.之後我地就等埋ah ming, ah sing, ah yiu同埋阿ming隻狗叼阿財返終点,阿財重曉衝終点,怏過曬佢地,超勁!
跑完之後就上左神探屋企冲凉,之後去飲荼,勁叫野食,真係跑1000食2000....正
喺我未加入消防處做救護員之前,機本上喺運動方面我只係玩下呢樣又試下嗰樣咁,打下排球,又玩下欖球咁,喺運動成就方面係--'能'...至叻就係喺讀IVE時打rugby攞過最優異球員及大學及大專聯校欖球聯賽第2!
但當我入八鄉消防訓練學校操救護的六個月裹,每天接受艱辛又嚴謹的訓練,尤其是體能訓練,而當中難道最高的就是要在21mins內完可4800m.這個長度亦是在云云紀律部隊中最長,亦最難.當時的我都被難到.
在學堂每日早上一開波早操又掌上壓,parade又罰掌上壓位置50下(起碼),有時lunch前又50下,下畫PFA熱身又罰50下,之後又三色雪糕球(circle training)3個cycle,又再喪跑下,吃晚飯前又50下,一個唔覺意加操又唔知話跑追龍,晚飯前老總唔like又50下至吃飯,夜晚打亂鐘慢左0.00001秒,wyman(當時的2粒一鋼)又罰50下佢打數...你睇下1日罰成幾多下push up,仲有幾多野玩呀!日日係咁操,唔fit就奇la!
出班後,day off或者收工一得閒就鍾意著住對跑鞋漫無目的咁跑,初初駐守簿扶林時,喜歡到跑馬地跑,貪佢夠大空气又好,跑完又可以去CWB行街.
到我打品過左旺角後,有時收エ會喺消防局跑步機跑又或者喺圍往屋企摟下跑.有一次我遇到一個同事(四萬),在他後生時他已是短跑好手,更是消防代表隊.就係有一晚,收エ後我跟他由旺角消坊局跑到九龙仔運动場,(之後佢跑返順利宿舍,真恐怖)就係咁我開始懂得這條路線,一得閒就由屋企跑上去,我嘅長跑練習就由這裹開此la!我亦試過PFA(physcial fitness assessment)4800m run前,同一個同事---巴士叔(巳退休了----成50幾歲人仲可以跑22分內,真佩服)由MK fire station跑去九龙仔再PFA,我仍可以攞到A級跑步成績,可見我的厲害....哈哈....
由我屋企(詩歌舞街)跑上九龙仔運动場,大約有4K,大約17-18mins,上到去我再跑起碼1粒鐘,再折返家中,來回起碼粒半鐘,所以你可以估下我每次跑有幾多K數.
所以4萬可說是我其中1個重要的(仲有2個)長跑啟蒙老師,沒有他,我不會在9聾仔這樣喪跑!
待續....
尋日我去左老將宿舍探一個亦是與我要好的前輩級同事(榮哥),他剛完成了一個微創膝蓋韌帶接駁手術,.手術非常成功,幾天後很快便可以出院在家休養.
解說----微創膝蓋韌帶接駁手術是在膝部開幾個小造ロ,在造口內施行手術,過程無須開刀,大大減低復原時間及病人痛楚
我見他的傷ロ上只用一塊4''X6"吋guaze蓋着,膝蓋有一点腫,我想這並不是很大問題,很快他能行动自如又再次與我踏上馬拉松的征途.医生說:手術後能照樣游水踢波,我想應該他完全辦到,只等待他完全康復(你咁fit實得gei)
榮哥:祝你早日康復,身體健康,再跑馬拉松
藉此機會想向各方好友提点,小心運动創傷,切記運动前熱身,尤其是打波,先俾d signal機肉同韌帶,warm up下先,唔係就真係好易'奶野'.我地d兄弟都係,做野小心腰骨(其實冇得小心,一係唔撈)
嗱!有相為正,我地跑過渣打馬拉松架!幾型3090
近呢2年,身邊有好多同事,師兄弟,朋友都結婚(黎緊下半年起碼三歺,有一歺仲做兄弟,wa.....大把人情做ah!要儲定$啦!不過見到自己friend成家立室都係開心嘅)佢地仲要好快咁有埋佢地嘅小寳寳天......
最近我又有一個要好的同事/朋友(大倫,Debbie)生左個BB,係臍枯ding黎架!
真喺恭喜你地!生左個咁cutie嘅亞dee
身體健康,快高長大!
唔!送d咩俾阿dee好呢?亞dee你又想要咩呀?話俾我聽等我送俾你ah!am....... Debbie唔該薑醋多蛋多朱手多薑多醋呀... thankyou
唔!唔知我又幾時有我嘅小寶寶呢?係仔定女呢?幾重呢?喺邊間醫院出世呢?私家定係亞公好呢?食邊隻奶粉好呢?(wa...有小朋友幾多野要諗,不過点都好,千其唔好係而家就得)
祝天下間嘅爸爸媽媽有健康身體,去照顧他們的寶寶,我們的未來楝樑.
通櫃----又名探肛,是一種手指搜查直腸手法...
在監獄裹,懲 教 署職員 對 準 備 入 獄 人 士 執 行 俗 稱 「 通 櫃 」 的 手 指 搜 查 直 腸 手 法,目的是防止企 準 備 入 獄 人 士 企 圖 透 過 體 內 藏 毒 入 獄 個 案.在医學上探肛目的是檢查直腸是否有腫瘤及內出血或檢查反射作用
早輪我有個friend 因為肚疴(一晚疴左訓十次'啡啡')原故,溜夜入左去QE A&E 睇急症,入到去医生問佢咩事,佢就話疴左訓十次'啡啡',之後二話不說就叫佢瞓上床,`啊`佢就訓上床,医生又叫'徐褲呀'啊`...医生又話'唔係呀,除埋條底褲呀,另轉身屈膝!我個friend就'ha......... 一声,之後見到佢帶手套,兼揸jel種物體(KY)....之後ニ話不說,A&E就聽到一声淒厲辛吟声......'啊'...........入曬天...原來阿Dr成隻手指入曬,仲叫..喂!唔好咁大声叫la.....我個friend即刻心諗,你試下咁樣俾人入一野,真係爽到暈.
我諗ah dr就爽到暈la,我個friend高大威猛又型仔,佢見到我個friend咁冧,又七情上面,如果係gay嘅開心死.
通櫃係咪好high嘅,f咩eel嘅jac,我諗淨係你先知,我亦諗亦(希望)呢世都唔知.櫃倫可唔可以詳細咁喺度分享同否白下呢?唉.....真可憐!!
喺24号晚嘅夜更,由於唔夠司機嘅關係,咁就打造咗我救護生涯第一次嘅師兄弟車更,而當晚拍我嘅brother就係我最愛嘅'''''''''擁有BB面孔,魔鬼身材
----人稱長沙彎林志玲 嘅大隻成(佢係車籠)
仲有當然成晚都睇住我係driver兼EMA charge手,有長沙灣飛無腿之稱嘅坤哥---長彎馬拉松之父(實質係佢又揸又charge辛苦曬坤哥),而我嘅角色只係一個只係寫journey record嘅偽charge.
當晚拍佢地,我嘅feeling就係好似去玩咁,成車程成成搞下我呢度,又揸下我嗰度.....唉!成成咪咁百厭啦!
當晚唔知做乜鬼成晚好多drunk case(有d飲左d屎水喺度發難渣,仲惡到'小'd警察包括我地.大佬幾廿人服待你一條契弟,仲喺度啊之阿draw,啊生第日飲完酒行街小心俾車車死,不過唔好响CSW area,呢d人遲早俾人執獲金金地),ha...而家做警察真難撈,fourteen快d走la-----)
经於有機會見識成成嘅 狂野一面....教訓酒鬼&同patient過床時個patient好似曉飛咁(同為佢實在太大力)之前都聽過Simon話你當d patient好似紙紥公仔咁稱d patient過床........果然係無改錯名----紙紥成呀!
師兄弟唔知幾時又有機會俾秒我地重組夢幻車更呢!到時又唔知爆咩笑料出黎lei
話說尋日朝早開工,身位專業救護員的我,老馮地當然認真地的check車上equipnment.
我同當日師機(羊咩仔)一齊執靚架322,佢落左張床落車,然後我在車少上check野,佢負責車廂清潔工作,其後我發現血糖計冇電,佢就幫我換電蕊,後來相隔5mins後,突然有同事大声叫失,牀呀牀呀....張牀自己行呀,之後我就聽到有2條XX喺度大笑
.......wa...張床識自己行wor,之後我就望下我車尾!頂呀!張牀呢!
之後我一路聽住d笑声,個心一路响度'小'住咁落車.一睇嘩!.................做咩張牀行左咁遠gei,由局的一面去到後門對出(差唔多顠到去救火嗰邊)打橫咁楝喺度,重要有架車啱啱返,阻住入黎,跟住架車嗰個Asernal同事就小,喂!4個轆 撞4個轆,TA呀! 隔離响道笑嗰2條嘟.....嘟.....仲係度笑,唔幫我手推開張床,搞到我一路俾大插一路推走張床....搞到我火火地
.
正死仔包,掛住笑唔幫手!..........其實唔係我事架....... 張床唔係我落架,落左又唔扣好响架車度or lock左個轆........咁咪俾風吹左去lor(當日亦真係奇怪地好大雖風),雖然我有責任,但係係大家都.....喺......
好彩唔係要去車乍,如果唔係張stretcher吹左去唔知邊喱埋左,又話者張床撞到私家車,咁氽就吔蕉la...今日仲俾班嘟嘟笑到面黃(其實我都覺好笑,飄走咗張床).自此今次呢鑊野就名為------長沙灣救護站靈異事件簿之鬼.....牀.....真吹帳!
